Una visita al Vigan

-

 Finalament, visitèri lo Vigan! 

Naturalament, aviái una bona rason d'i anar: crompar una veitura (la setena de ma vida). Lo trajècte dins lo bus lo matin èra polit; la visita de la vila me faguèt plaser. 



Lo Vigan, amb plòja...











                                           Lo pont del sègle XII al Vigan









Tot aquò foguèt i a ja doas setmanas. Aquela dimenjada tornèri per pagar la segonda partida de la crompa del banhòl. I aviá un pichon problèma amb la sarralha darrièra de la veitura, alara, amb la filha de la familha que me vendèt la veitura, montèrem al vilatge de Valleraugue, dessus de Pont'd'Erau, ont demòra lo paire, qu'es força bon bricolaire, e poguèrem ensem adobar la sarralha.


L'ostal del paire, dins Cevenas....



L'endeman tornèri al Vigan (de Ganges, ont m'installi pauc a cha pauc dins mon apartament) per far de crompas a la "Ressourcerie", una cooperativa per reciclatge e torna-emplec ont òm tròba tot. 











Èra dissabte, lo 6 març, un jorn esplendit!


Tornèri a la val de Mont Aigoual, qu'aviái vista lo jorn davant, per tòrnar veire la ribièra, los ponts vièlhs, la bèutat de Cevenas dins un jorn de prima que me faguèt pensar a mon enfança, quand podiái jogar tota una jornada al costat d'una tala ribièra, amb mon gos, dins lo solelh, dins l'aiga, dins l'arena, coma dins Paradís. 















Lo pont foguèt endamatjat dins las grandas aigas de 2019...



Lo Pont d'Erau


Commentaires

Enregistrer un commentaire

Posts les plus consultés de ce blog

-
Image
Las mesuras sanitàrias sul campus UPV3 son foaça rigorosas! Totes estudiants e estudiantas dèvon totjorns gardar una distància pas mènos d'un metre. E pas que aquò: tot personal de l'universitat deu portar lo masca pertot sul campus, a l'interiòr dels bastiments coma defòra.  Levat per de fumar, naturalament.
Lire la suite

Una visita a Sumène

-
Image
 Me mancava de lenha per la chiminèia. Cada nuèch e cada jorn me fasiái un fuòc pel caufejar lo membre principal de mon apartament a Ganges, e pauc a pauc lo molon dins la cava veniá mai magre. Finalament, èra divendres, foguèt camin a Sumène, per ne crompar un estèr d'ausina e de fageda. La ròta foguèt polida, e novela, per ieu -- aviái jamai pres aquela carrièra, e foguèri un pauc sospres de daissar tant lèu la valada d'Erau per seguir lo riu mai estrech e prigond de Rieutord.  A Sum ène, carguèri ma veitura de lenha, e puèi explorèri lo vilatge a pè. Los primièrs abitants bastiguèron lors ostals e lor fortalesa dins lo sègle X. Un pont remonta al sègle XIII.  I a dos flumes que convergisson ont èran los primièrs bastiments: lo Rieutord e lo mai pichon Pecodier, puslèu un ruisset, mas fòrça vièlh tanben. Quin sap quant de mond abitèron aquel val e aquelas aigas avant l'istòria escricha? Cossí li apelavan, los flumes, los òmes d'i a 20,000 ans? Ont anavan, eles, per ce
Lire la suite

l'istòria del Biliton Pichon

-
Image
I aviá un còp un dròlle que demorava dins un país luènh d'aicí, e li disián lo Biliton Pichon. Son paire e sa maire quitèron aqueste país, amb lor cinc enfants, per cercar l'aventura. Dins un pichon paquebòt, passèron l'aiga de la mar, un viatge de dètz jorns e dètz nuèits. La nuèit, los astres claufissián lo cèl tre l'anel d'orizont cap al zenit. Lo jorn, dins totas las quatre direccions i aviá pas res a veire que d'èrsas imensas que semblavan viventas coma de bèstias. A la fin de la travèrsa e d'un fum d'autras aventuras, la familha se trobava dins un pichon vilatge d'Auvèrnha, Lo Chambon-sus-Linhon, çò que vòl dire de mai o mens "ont s'acorba la ribièra". Lo dròlle, lo Billiton Pichon, èra encora tròp jove per anar amb las sòrres ainadas a l'escòla granda, e sa sorreta demorava a l'ostal amb la mamà, alara lo Biliton Pichon anava sol dins una pichona escòla del vilatge, en çò d'una tanturla de mans duras e de còr doç. Los
Lire la suite